Орхон аймгийн Засаг дарга Б.Зоригтбаяр үүрэгт ажлаа хүлээн аваад хийж хэрэгжүүлж буй шинэ санаачилгуудын нэг нь “Иргэдээ сонсох өдөр” билээ. Энэ өдөр нь Пүрэв гариг бүрийн 14:00 цагаас байдаг. Уг уулзалтаар иргэдийн санал хүсэлтийг хүлээн авч шийдвэрлэн холбогдох арга хэмжээг авч ажиллахыг хариуцсан хэлтэс агентлагуудад үүрэг болгодог . Түүнчлэн иргэдийн санал хүсэлтийн мэдээллийг Засаг даргын тамгын газрын шуурхай хуралдаанаар хэлтэс нэгжүүдэд танилцуулдаг юм. Өнгөрөгч долоо хоногт иргэдээс орон сууц хүссэн найм , гэр хүссэн гурав , шагналын асуудлаар нэг , барилгын асуудлаар нэг, дэмжлэг тусламж хүссэн хоёр , газрын харилцааны асуудлаар гурав , бусад 10 хүсэлт ирсэн байна.
