“Хожуул” төслийг хэрэгжүүлэхээр төлөвлөж байна

Өвөлжилтийн бэлтгэл ажлын хүрээнд гэр хорооллын айл өрхүүдэд түлээний асуудал жил бүр асуудал дагуулдаг. Түлээний мод худалдан борлуулдаг захуудын зүгээс үнийн нэмэгдэлгүйгээр худалдан борлуулах үүргийг жил бүр өгдөг ч Булган аймгийн сумдуудаас харилцан адилгүй үнийг дүнгээр нийлүүлдэг нь үнэ хөөрөгдөх асуудал болдог билээ. Тэгвэл цаашид өвөлжилтийн бэлтгэл ажлын хүрээнд агаарын бохирдлыг бууруулахад тодорхой зохицуулалтаар шийдэгдэх төсөл хөтөлбөрүүдийг хэрэгжүүлэх юм байна.

Тодруулбал:  түүхий нүүрс хэрэглэхээс татгалзаж, сайжруулсан түлшний үйлдвэрийг Эрдэнэт үйлдвэр ТӨҮГ он гарахаас  өмнө ашиглалтад оруулна гэв. Зэргэлдээх аймаг сум руу түлшээ нийлүүлэх ажлыг зохион байгуулж, жил бүр Булган аймгийн сумдуудтай хамтран   “Хожуул” төслийг хэрэгжүүлэхээр төлөвлөж байна.

Ой модыг цэвэрлэж унасан хожуул моднуудыг түлээ түлшинд хэрэглэж, насжилт удаан ялзарсан хожуулын орон шинэ мод тарих хэлбэрээр  Булган аймгийн Орхон, Бугат, Хангал сумдуудтай хамтран ажиллах юм. Энэ өвөл цахилгаан халаагуурыг багуудад хэрэглэхээр төлөвлөж байна.

Агаарын чанарыг сайжруулах төслийг хүрээнд Азийн хөгжлийн банктай хамтран төсөвт суулгах юм. Ингэснээр айл өрхүүд хэрхэн халаагуур худалдан авах, төслийн үр дүнд агаарын бохирдлын индекс, зэрэг холбогдох судалгааг гаргаж, шат дараалалтайгаар зохион байгуулах талаар Засаг дарга С.Батжаргал хэллээ.