ЭЕШ өгөх төгсөгчид ЧАТБОКС сэтгэл зүйн зөвлөгөө авч болно
Ц.Ариунчимэг
Төгсөх ангийнхан буюу 12-р ангийн сурагчдад сэтгэлзүйн зөвлөгөө өгөх чат бокс үйлчилгээг үзүүлж байна. ЭЕШ-тай холбоотой стресс, санаа зовнил, шалгалтад сэтгэл зүйгээ хэрхэн бэлтгэхээ мэдэхгүй байх, шалгалтад бэлтгэхдээ хэрхэн анхаарлаа төвлөрүүлэх, асуудлаа шийдвэрлэж чадахгүй хэцүү санагдаж байгаа бол чатбокс үйлчилгээг авч болох юм.
“Чатбокс” үйлчилгээ нь COVID-19 цар тахлын улмаас хөл хорионы дэглэмтэй байгаа үед төгсөх 12 дугаар ангийн сурагчдад сэтгэл зүйн зөвлөгөө өгөх зорилготой. Мэргэжлийн сэтгэл зүйчтэй чатаар харилцаж шалгалтын айдас, санаа зовинолоо даван туулахад тань тусламж дэмжлэг, чиглүүлгийг өгөх үйлчилгээ юм. Боловсролын үнэлгээний төв фэйсбүүк пэйж хуудаснаас чат хэсэг, сэтгэл зүйчтэй холбогдох гэсэн дарааллаар холбогдоно.
