Ц.Наран-Эрдэнэ: Тоног төхөөрөмжийн шинэчлэл хийснээр аминд аюултай өвчнүүдийг оношлох боломж бүрдсэн
https://www.youtube.com/watch?v=p1VUD1uj0aQ
Орхон аймгийн Бүсийн оношилгоо эмчилгээний төвд үзлэг оношилгоонд шаардлагатай тоног төхөөрөмжийн дутмаг байдлаас шалтгаалж жилдээ 2500 гаруй иргэн Улаанбаатар хотыг зорьдог байна. Эдгээр иргэдийн 80 хувь нь зөвхөн оношилгоо хийлгэхээр хот руу явдаг аж. Энэ асуудлыг шийдэж улсын болон орон нутгийн хөрөнгө оруулалтаар нэн шаардлагатай тоног төхөөрөмжүүдийг аймгийн БОЭТ-д авч ирж байгаа талаар тус төвийн дарга Ц.Наран-Эрдэнэ ярилаа. Тухайлбал, орон нутгийн төсвийн хөрөнгөөр дөрвөн төрлийн аппарат тоног төхөөрөмжтэй болж байна. Рентген аппарат, улаан хоолой, ходоод, бүдүүн шулуун гэдэс үзэх дуран, 4D эхоны худалдан авалтыг хийжээ. БОЭТ-д эрүүл мэндийн тусламж үйлчилгээг чанаржуулах, тоног төхөөрөмжийн шинэчлэлүүд эхнээсээ хийгдээд явж байна.
