Ковидын улмаас ЭЕШ-аа өгөөгүй бүртгүүлэгчид 9-р сард шалгалтаа өгнө
Б.Ганчимэг
Улсын хэмжээнд Ковид-19 халдвараар өвчилсөн, ойрын хавьтал болсон ЭЕШ өгч чадаагүй 170 бүртгүүлэгч байна. Эдгээр бүртгүүлэгчдийн дунд ирэх 9 сарын 2-ноос 9 сарын 5-ны өдрүүдэд ЭЕШ-ыг зохион байгуулахаар төлөвлөж байгаа юм. Энэ удаад ЭЕШ өгөхөөр бүртгүүлэгчид 91 хувийн ирцтэйгээр шалгалтаа өгч, батламжийн хуудсаа авлаа. Ингэснээр 88 их, дээд сургуульд нийт 147,269 оюутнууд суралцахаар болжээ.
Энэ жилийн элсэлтийн ерөнхий шалгалтыг багш, сурагчдын вакцинжуулалтад хамрагдсан байдлыг харгалзан хойшлуулснаар ковидын үед зохион байгуулсан. Түүнчлэн сурагчдад сэтгэл зүйн зөвлөгөө өгч, улсын шалгалтыг цуцалсан зэрэг үйл явдлуудаар онцлог болж өнгөрсөн юм. Цаашид элсэлтийн ерөнхий шалгалтыг жилд хоёр удаа авах нь зүйтэй гэдгийг мэргэжлийн хүмүүс санал болгож байна.
