Яргуйт багт 150 хүүхдийн цэцэрлэг ашиглалтад орлоо
Э.Одсүрэн
Эрдэнэт хотод дахин нэг цэцэрлэг шинээр ашиглалтад орлоо. Сүүлийн гурван жилд 10 гаруй шинэ цэцэрлэг, цэцэрлэгийн өргөтгөл ашиглалтад орж сургуулийн өмнөх боловсролын хүртээмж нэмэгдэж хамран сургалтын тойргийн хувь 93.7 хувьд хүрч байна.
Яргуйт багийн тухайд 6000 гаруй хүн амтай бөгөөд цэцэрлэгийн насны 800 орчим хүүхэдтэй. Тус багт улсын төсвийн 1.8 тэрбум төгрөгөөр 150 хүүхдийн хүчин чадалтай 28 дугаар цэцэрлэг ашиглалтад орлоо.
Мөн 36 ажлын байр шинээр бий боллоо. Нээлтийн үйл ажиллагаанд УИХ-ын гишүүн Д.Батлут, Орхон аймгийн засаг дарга С.Батжаргал, Боловсролын газрын дарга О.Ариунгэрэлт нар оролцсон юм.