"Монголын инновацийн 7 хоног"-ийг Эрдэнэтэд зохион байгуулна

   Жил бүр уламжлал болгон зохион байгуулдаг   "Монголын инновацийн 7 хоног"-ийг Эрдэнэтэд зохион байгуулна. Аймгийн ШУТП хамтран зохион байгуулах юм. 

  "Монголын инновацийн 7 хоног"-ийн тухай: ШУТИС-иас анхлан санаачилж зохион байгуулж эхэлсэн "Монголын инновацийн 7 хоног" арга хэмжээ нь талуудын хамтын ажиллагааны хүрээнд өргөжин тэлсээр  10 дахь жилдээ зохион байгуулагдаж байна. 7 хоногийн турш  эрдэм мэдлэгийг эдийн засгийн эргэлтэнд оруулах боломжийг нэмэгдүүлэх, үндэсний инновацийн чадавхийг бэхжүүлэх зорилготой үйл ажиллагаануудыг нэгтгэн зохион байгуулдагаараа онцлогтой. 

        Энэ удаагийн "Монголын инновацийн 7 хоног-2024" арга хэмжээний хуваарийг хүргүүлж байна.

4 сарын 22, Даваа гариг 

• "ICIED" буюу "International Conference on Innovation and Entrepreneurship Development" олон улсын хурал , ШУТИС-ийн 8 дугаар байрны 12 давхарт болно.  Хурлын вэб хуудас

• Guyuk Metaverse орчинд "Төрийн өмчийн их сургуулиудын инновац, технологи" виртуал үзэсгэлэн, танилцуулга эхлэнэ.  ГҮЮГ Метаверс (guyuk.mn)

• "Соёлын бүтээлч үйлдвэрлэл -2024", СУИС 

4 сарын 23, Мягмар гариг 

• "Best Paper Award" Залуу судлаачдын эрдэм шинжилгээний хурал, ХААИС-ийн Эрдмийн зөвлөлийн хурлын танхимд болно. Арга хэмжээнд хэрхэн оролцох вэ?

• "MUST Start-UP 2024" ШУТИС-ийн оюутны гарааны бизнесийн санаачлагыг дэмжих уралдааны "Мentor day" эхлэнэ. Уралдаанд оролцох багуудын бүртгэл 4 сарын 21-ний өдрийг дуустал үргэлжлэх тул  багш, судлаач та бүхэн өөрсдийн оюутнуудаа оролцуулах боломжтой.  MUST STARTUP удирдамж мэдээлэл, оюутнаа хэрхэн оролцуулах вэ?    

4 сарын 24, Лхагва гариг 

• "Erdem hackathon" арга хэмжээ эхлэнэ. Тус уралдаан нь оюуны өмч эзэмшдэг судлаачдад инновацын төслийн гарааны санхүүжилт олгох старт-ап уралдаан юм. Бүртгэл 4 сарын 20 хүртэл үргэлжлэх бөгөөд 2-р шатанд шалгарсан багууд Эрдэнэт хотод  сүүлийн шатандаа өрсөлдөх юм.  ЭРДЭМ ХАКАТОН-д яаж оролцох вэ?  Багш, судлаачид оролцоход нээлттэй уралдаан юм. 

4 сарын 25, Пүрэв гариг 

• Guyuk Metaverse орчинд "Төрийн өмчийн их сургуулиудын инновац, технологи" виртуал үзэсгэлэн, танилцуулга үргэлжлэнэ. ГҮЮГ Метаверс (guyuk.mn)

• "Erdem hackaton" болон "MUST Start-Up"  арга хэмжээнүүдийн ментор арга хэмжээ үргэлжилнэ. 

4 сарын 26, Баасан гариг 

• "Инновацийн түншлэл" үндэсний форум Эрдэнэт хотод зохион байгуулагдана. ШУТИС-иас зохион байгуулж буй тус арга хэмжээнд оролцох бүрэлдэхүүн, нэгжийн төлөөллийг бүрэлдэхүүн сургууль, хүрээлэнгийн Эрдэм шинжилгээний албаар дамжуулан бүртгэж байна. 

• "Инновацийн бүтээлийн үзэсгэлэн" Эрдэнэт хотод болох форумын үеэр багш, судлаачдын судалгааны үр дүнг танилцуулах үзэсглэн болно. 

• "Start-Up Grind" арга хэмжээ: Гарааны бизнесийн амжилт, түүхээс хуваалцдаг чөлөөт арга хэмжээ болох Grind нь Эрдэнэт хотод зохион байгуулагдана. 

• "AGRI SHOWCASE" Хүнс, хөдөө аж ахуйн технологи бүтээгчдийг хөрөнгө оруулагчтай холбох арга хэмжээ Эрдэнэт хотод зохион байгуулагдана. 

4 сарын 27, Бямба гариг 

• "Startup Challenge Mongolia" 300 сая төгрөгийн шагналын сантай олон улсад Монгол улсаа төлөөлөн оролцох старт-Апыг шалгаруулах арга хэмжээ: Бүртгэл 4 сарын 21-нийг хүртэл явагдана.  www.startupchallenge.mn