16-нд нутгийн төв хэсгээр, 17-нд нутгийн зүүн хагаст нойтон цас, цас орж, цасан шуурга шуурч, ихэнх нутгаар хүйтэрч, зам, даваа, гүвээнд үзэгдэх орчин хязгаарлагдаж, халтиргаа гулгаа үүсэхийг анхааруулж байна.

Өнөөдөр буюу 2026 оны 10 дугаар сарын 16-ны баасан гарагт Эрдэнэт хотод үүлэрхэг, ялимгүй цас хаялж, хүйтэн өдөр байна. 

• Өдөртөө: 0°C... +3°C орчим дулаарч, салхи баруун хойноос 3–5 м/с хурдтай шүгэлнэ.
• Шөнөдөө: -3°C... -5°C хүртэл хүйтэрнэ.
• Нар мандах / жаргах: 07:25 / 18:12 

• Бямба (10.17): Өдөртөө -3°C, шөнөдөө -9°C хүртэл хүйтэрч, зарим үед ялимгүй цас орно.
• Ням (10.18): Өдөртөө -4°C, шөнөдөө -11°C (багавтар үүлтэй, хүйтэн).
• Даваа (10.19): Өдөртөө -4°C, шөнөдөө -10°C (үүлэрхэг).
• Мягмар (10.20): Өдөртөө -1°C... 0°C, шөнөдөө -6°C (цэлмэг / багавтар үүлтэй). 

10-р сарын 16-ны 08 цагаас 20 цаг хүртэлх цаг агаарын урьдчилсан мэдээ:

 Ихэнх нутгаар солигдмол үүлтэй. Ховд, Говь-Алтай, Дундговь, Өмнөговийн зарим, Хөвсгөл, Булган, Сэлэнгийн ихэнх, Өвөрхангай, Архангай, Төв, Хэнтий, Дорнодын хойд сумдын нутгаар 0.0-10.0 мм бороо, нойтон цас, цас орж, цасан шуурга шуурна. Бусад нутгаар хур тунадас орохгүй. Нутгийн баруун хэсгээр баруун хойноос, нутгийн зүүн өмнөд хэсгээр баруун өмнөөс, бусад нутгаар баруун өмнөөс хойш эргэж секундэд 5-10 метр, Алтайн салбар уулс, говь, тал, хээрийн нутгаар секундэд 15-17 метр хүртэл ширүүснэ. Дархадын хотгор, Алтай, Хангайн уулархаг нутаг, Завхан, Заг, Байдраг голын эх, Хүрэнбэлчир орчим, Идэр, Тэс голын хөндийгөөр -4...-9 градус, Их нууруудын хотгор, Хөвсгөлийн уулархаг нутаг, Эг, Үүр, Орхон, Сэлэнгэ, Хараа, Ерөө голын хөндийгөөр +2...-3 градус хүйтэн, говийн бүс нутгийн баруун өмнөд хэсэг, Дорнодын тал нутгаар +9...+14 градус, говийн бүс нутгийн зүүн өмнөд хэсэг, Дарьгангын тал нутгаар +15...+20 градус, бусад нутгаар +2…+7 градус дулаан байна.